"Валенсия" "Барселона" ҳужумчиси Мартин Брейтуэйтни ўз сафига қўшиб олмоқчи. Футболчи ёзги трансфер бозорида Каталония клубини тарк этмоқчи.
Брейтуэйт 2020 йилнинг қишида "Леганес"дан "Барселона"га ўтган эди. Аввалига даниялик ҳужумчи билан шартнома имзолангани кўплаб танқидларга сабаб бўлган бўлса, кейинчалик футболчи клуб мухлисларида яхши таасуроот қолдира олди.
Бироқ жамоани Хави бошқаришни бошлаганидан кейин ҳужумчи асосий таркибдан тушиб қолди ва энди ёзда "Барселона"ни тарк этадиган футболчилардан бирига айланди.
Брейтуэйт жорий мавсумда Ла Лигада 4 та ўйинда майдонга тушиб, 2 та гол урди ва 1 та голли узатмани амалга оширди.
