"Реал" бош мураббийи Жозе Муориньо "Барселона" ҳужумчиси Лионель Мессининг Испания Ла-Лигаси доирасида киритган 50 та голини "бир пулга қиммат", дея баҳолади. Португалиялик мураббий нега айнан Криштиану Роналду йилнинг энг яхши ўйинчиси бўлишга ҳақли эканини ҳам тушунтириб ўтди.
"Криштиану ўтган мавсумдагидек етакчи тўпурар бўлгани учун эмас, унинг голлари Лигада ғалаба қозониш учун муҳим бўлгани учун ҳам "Олтин тўп"ни олиши керак", — дея Моуриньонинг SIC нашрига берган интервьюсидан иқтибос келтирмоқда Goal.com.
"Мессининг заррача қиймати йўқ 50 та гол ургани, Криштианунинг ўтган мавсумдаги 42 та гол урганининг ўзгинаси. Криштиану бу йил энг яхши тўпурар бўла олмади ва ўйлашимча, "Олтин тўп" бу учун компенсация бўлиши керак", — деди португалиялик мутахассис.
