Испаниянинг "Бетис" клубида ижара асосида ўйнаётган "Арсенал" ҳимоячиси Эктор Бельерин Англияга қайтади. Бу ҳақда Goal портали хабар бермоқда.
Манбага кўра, бу ҳақда "Бетис" президенти Анхел Харо айтиб ўтган. Олдинроқ испан клуби ўнг қанотни сотиб олишга ҳаракат қилиши ҳақида хабарлар тарқалган эди. Бельерин “Бетис”га 2021 йилнинг август ойида келиб қўшилган.
Жорий мавсумда у "яшил-оқлар" сафида барча мусобақаларда 32 та ўйин ўтказиб, 5 та голли узатмани амалга оширди. 27 ёшли испаниялик футболчининг нархи 20 миллион еврога баҳоланмоқда.
