"ПСЖ" ярим ҳимоячиси Марко Верратти келажакдаги режалари ҳақида фикр билдирди.

Аввал хабар қилинганидек, 29 ёшли италиялик "ПСЖ" билан икки йилдан кейин тугайдиган шартномасини узайтирмоқчи. Қолаверса, Верратти фаолиятини якунлаганидан кейин Парижда қолишга тайёрлигини айтди.

“Умримнинг энг яхши йилларини шу ерда ўтказяпман. Фаолиятимни тугатгандан сўнг, мен Парижда яшашни давом эттираман, чунки мен бу шаҳардаги ҳамма нарсани жуда яхши кўраман. Балки фаолиятимни тугатганимдан сўнг Франция фуқаролигини олиш учун ариза бераман», - деди ярим ҳимоячи.

Марко Верратти қарийб ўн йилдан бери "ПСЖ"да ўйнаб келмоқда. Парижликлар сафида 377 та ўйин ўтказиб, 11 та гол ва 50 дан ортиқ голли узатмани амалга оширган.