Испания терма жамоаси бош мураббийи Висентье Дель Боске бир неча кун муқаддам жароҳат олиб сафдан чиққани маълум қилинган Карлес Пуйоль Европа чемпионатида иштирок этиш имкониятига эга экани ҳақида гапириб ўтди.
“Пуйоль Европа чемпионатида иштирок этиш имкониятига эга. Албатта, Пуйоль учун жароҳатидан тикланиш осон эмас, бироқ биз барча якуний қароримизни 27 майда аййтамиз. Ўшанда барчаси аниқ бўлади” дейди Дель Боске.
Шунингдек, Дель Боске ҳужумчи Давид Вилья ҳақидаги қарорни ҳам 27 майдан сўнг эълон қилишини айтиб ўтган.
Эслатиб ўтамиз, Пуйоль Испания чемпионатининг "Эспаньол"га қари учрашуви пайтида жароҳат олган, врачлар уни Европа чемпионатига бора олмаслигини таъкидлашганди. Бироқ олинган сўнгги маълумотларга кўра, футболчи кутилганидан анча олдин тузалган ва индивидуал тарзда машғулотлар олиб бормоқда.
