“Севилья” президенти Хосе Кастро Европа лигаси финали олдидан ўтказилган матбуот анжуманида ёзда клуб асосий таркибнинг бир қатор футболчилари билан хайрлашишини айтди.

“Кўрдингизми, сўнгги йилларда биз ўйинчиларни сотмаганмиз. Бундан ташқари, январь ойида биз Корон ва Марсьялларни ўз сафимизга қўшиб олдик. Биз ўз маблағларимиздан келиб чиқиб иш қилишимиз керак. Биз буни қандай қилишни яхши биламиз” - деди Кастро.

Унинг қўшимча қилишича, клуб ҳам ўйин, ҳам иқтисодий жиҳатдан фойдали футболчиларни сотиб олишга интилади.

Аввалроқ “Севилья”нинг асосий марказий ҳимоячиси Жюль Кунде Европанинг бир қанча топ-клублари билан музокаралар олиб бораётгани ҳақида хабар берилганди. Хусусан, унга "Челси" ва "Барселона" клублари қизиқиш билдирмоқда.