“Sevilya” prezidenti Xose Kastro Yevropa ligasi finali oldidan o‘tkazilgan matbuot anjumanida yozda klub asosiy tarkibning bir qator futbolchilari bilan xayrlashishini aytdi.

“Ko‘rdingizmi, so‘nggi yillarda biz o‘yinchilarni sotmaganmiz. Bundan tashqari, yanvar oyida biz Koron va Marsyallarni o‘z safimizga qo‘shib oldik. Biz o‘z mablag‘larimizdan kelib chiqib ish qilishimiz kerak. Biz buni qanday qilishni yaxshi bilamiz” - dedi Kastro.

Uning qo‘shimcha qilishicha, klub ham o‘yin, ham iqtisodiy jihatdan foydali futbolchilarni sotib olishga intiladi.

Avvalroq “Sevilya”ning asosiy markaziy himoyachisi Jyul Kunde Yevropaning bir qancha top-klublari bilan muzokaralar olib borayotgani haqida xabar berilgandi. Xususan, unga "Chelsi" va "Barselona" klublari qiziqish bildirmoqda.