"Манчестер Сити" 2022/23 йилги мавсум учун уй либосини тақдим этди.
Puma компанияси тўплами анъанавий "Манчестер Сити"нинг кўк рангида ишлаб чиқарилган. Ёқа ва енгларида қизил ва оқ қўшимчалар бор.
Клуб матбуот хизмати хабарига кўра, ушбу форма "Манчестер Сити" тарихидан, яъни 1960-йиллар охирида Англияда барча совринларни қўлга киритган, 1970 йилда эса Кубок эгалари кубогини қўлга киритган жамоадан илҳомланган.
Тўплам шунингдек, 1966 йилдан 1979 йилгача клубда ўйнаган "Манчестер Сити" тарихидаги энг буюк футболчилардан бири Колин Беллга бағишланган. У 2021 йилнинг январь ойида вафот этди.
