Трансфер бозори мутахассиси Фабрицио Романонинг айтишича, "Ливерпуль" ҳужумчиси бир қанча клублар, жумладан, "Бавария" билан музокаралар олиб борган.

"Маненинг агентлари ва "Бавария" ўртасида учрашувлар бўлган. Шунингдек, Мане нафақат "Бавария" билан, балки бошқа жамоалар билан ҳам музокара олиб борган. Мане учун ҳамма нарса очиқ ва у бир неча кундан кейин «Ливерпуль» билан келажаги ва шартномаси ҳақида музокара олиб борали», - деди Романо.

Футболчининг инглиз клуби билан шартномаси 2023 йилнинг ёзида якунига етади. Аввалроқ Манега "Барселона" қизиқиш билдираётгани хабар қилинганди. Ҳужумчининг ўзи гўё Каталония клубида "Олтин тўп"ни қўлга киритиш имконияти кўпроқ бўлишини айтган.

Футболчи жорий мавсумда АПЛда 33 та ўйин ўтказиб, 15 та гол урди ва 2 та голга ассистентлик қилди.