“Бетис” жамоасининг 6 нафар футболчиси бир неча тур олдин турнир олтин медальларини қўлга киритган “Реал”га қарши навбатдаги чемпионат учрашувида жамоасига ёрдам бермаслик хавфи бор.

Гап Марк Бартра, Эктор Бельерин, Клаудио Браво, Виктор Руиз, Мартин Монтоя ва Виктор Камарас ҳақида кетмоқда. Рўйхатдаги барча футболчилар жамоанинг сўнгги машғулотини ўтказиб юборган ва энди "Реал"га қарши ўйинда майдонга тушмаслик хавфи остида.

Эслатиб ўтамиз, "Бетис" чемпионатни Европа Лигаси ҳудудида якунлаши мумкин. Пеллегрини шогирдлари аввалроқ финалда “Валенсия”ни мағлуб этиб, Қироллик кубогини қўлга киритган эди.