"Бавария" ҳужумчиси Роберт Левандовскининг "Барселона"га ўтиши ҳақидаги "сериал" давом этмоқда. Каталонияликлар футболчи учун тўлашга тайёр бўлган нархни айтишди.

Испания матбуотига кўра, "Барселона" шартномаси бир йилдан кейин тугайдиган футболчининг трансфери учун тўлаши мумкин бўлган максимал нарх 60 миллион евро ҳисобланади.

Олдинроқ польшалик ҳужумчи испан жамоаси билан шахсий шартнома тафсилотларини келишиб олгани ҳақида маълумотлар пайдо бўлганди, аммо "Бавария" раҳбарлари Левандовски мюнхенликлар билан келишувини тўлиқ ишлаб чиқиши кераклигини таъкидламоқда.

Бироқ, "Бавария" устози Юлиан Нагельсманн жамоада ўйнашни истамайдиган футболчи билан ишлашдан маъно кўрмаётганини айтди.

Левандовски жорий мавсумда Бундеслигада 34 та ўйин ўтказиб, 35 та гол урди ва 3 та голга ассистентлик қилди.