Ёзда "Бавария"дан Дортмунднинг "Боруссия" клубига кўчиб ўтадиган ҳимоячи Никлас Зюле Мюнхендаги фаолияти ҳақида фикр билдирди.
"Менимча, "Бавария"га ўтиш ҳаётимдаги энг яхши қарор эди. Бу ерда ўтган беш йиллик фаолиятимдан, эришган ютуқларимдан, жамоада ўйнаган ролимдан, қандай ривожланганимдан жуда миннатдорман” - деди ҳимоячи Bayern Insider билан суҳбатда.
Зюле «Бавария»га 2017 йилда «Хоффенхайм»дан 20 миллион евро эвазига кўчиб ўтган эди. Беш йил давомида у клуб учун 170 та ўйин ўтказиб, 7 та гол урди ва 5 та голли узатмани амалга оширди.
Ёзда 26 ёшли германиялик футболчи эркин агент сифатида Дортмунднинг «Боруссия»сига ўтади.
