«Сельта» раҳбарияти ёзги мавсум оралиғида жамоанинг бир нечта асосий ўйинчилари билан хайрлашишини эълон қилди.
Рўйхатда биринчи ўринда "Сельта" президенти Карлос Моурино билан жанжаллашиб қолган Денис Суареснинг исми бор. Ҳозирча аниқ таклиф бўлмаган бўлсада, футболчига "Севилья" қизиқиш билдирмоқда.
Испания матбуоти қўшимча қилишича, "Сельта" Хави Галан, Ренато Тапия ва яна бир қанча футболчиларни қўйиб юборишга тайёр. Яго Аспас "Сельта"нинг ягона "тегиб бўлмайдиган" футболчиси бўлиб қолади.
"Сельта" Испания чемпионатида 10-ўринни эгаллаб турибди. Жамоа кейинги мавсумда Еврокубокларга чиқиш имкониятидан маҳрум бўлди.
