Лондоннинг "Тоттенхэм" клуби бош мураббийи Антонио Конте у келганидан кейин жамоа қандай ўзгаргани ҳақида фикр билдирди. Италиялик мураббийнинг фикрича, у жамоа ўйинини сезиларли даражада яхшилашга муваффақ бўлган.
"Ўйлашимча, мен "Тоттенхэм"ни сезиларли даражада яхшилашга муваффақ бўлдим. Конференция лигасида “Витесс”га қарши биринчи ўйинимни эслайман. У ерда биз 10-дақиқага келиб 2:0 ҳисобида олдинга чиқиб олдик, аммо ўйинни озчилик қолиб, 3:2 ҳисобидаги ғалаба билан якунладик” - деди Конте матбуот анжуманида.
“Тоттенхэм” 2018/19 йилги мавсумдан буён илк марта Чемпионлар лигасига йўлланмани шу ҳафта охирида ҳал қилиши мумкин. Бунинг учун Антонио Конте шогирдлари "Норвич"га қарши сафар ўйинида мағлуб бўлмасликлари кифоя.
