"Бавария" Роберт Левандовски ўрнига бразилиялик ҳужумчини сотиб олиши мумкин.
33 ёшли польшалик ҳужумчи мавсум оралиғида Мюнхен клубини тарк этиб, "Барселона"га ўтиш ниятида.
"Бавария" раҳбарияти шартномаси тугашига яна бир йил қолган ҳужумчини қўйиб юборишни истамаяпти, бироқ унинг ўрнини босиши мумкин бўлган вариантларни ўрганмоқда.
"Бавария" жамоаси "Эвертон" ҳужумчиси Ришарлисонни ўз сафига қўшиб олишни мақсад қилган. Клуб бразилиялик футболчининг агентлари билан алоқага чиққан.
25 ёшли футболчининг трансфер нархи 50 миллион еврога баҳоланмоқда. Унинг «Эвертон» билан шартномаси 2024 йилгача мўлжалланган.
