"РБ Лейпциг" ҳужумчиси Кристофер Нкунку бу мавсумда Бундеслигада узоқ вақтдан бери ҳеч бир футболчига тақдим этилмаган кўрсаткичларга эришди.

24 ёшли франциялик футболчи 20 та гол ва 13 та голли узатмани амалга ошириб, 16 йил ичида бир мавсумда камида 20 та гол урган ва минимал 10 та голли узатмани амалга оширган Бундеслигадаги илк футболчига айланди.

Охирги марта германиялик машҳур ҳужумчи Мирослав Клозе бундай муваффақиятга эришган эди (2005/06 йилги мавсумда).

Жорий мавсум барча мусобақалар доирасида Нкунку 34 марта рақиб дарвозасини ишғол қилган. Бунинг учун унга 51 та ўйин керак бўлди.