"Интер" ярим ҳимоячиси Матиас Весино жамоани тарк этиши мумкин, дея хабар беради журналист Николо Скира.
Манбанинг хабарига кўра, 30 ёшли уругвайлик футболчини "Лацио" эркин агент мақомида ўз сафига қўшиб олмоқчи. Рим клуби унга йилига 1,8 миллион евро маош билан 3 йиллик шартнома таклиф қилмоқда.
Жорий мавсумда Весино 23 та ўйин ўтказиб, битта гол урган.
Унинг "Интер" билан амалдаги шартномаси 2022 йилнинг ёзида якунига етади.