Португалиялик тажрибали ярим ҳимоячи Жоау Моутиньо фаолиятини “Вулверхэмптон”да давом эттириши мумкин. Бу ҳақда “бўрилар” устози Бруно Лаже ОАВ вакиллари билан суҳбат чоғида айтиб ўтди.
“Жоау раҳбарият билан янги шартнома борасида музокаралар олиб бормоқда. Шахсан мен унинг қолишини истардим. Биз томонларнинг қарорини кутишимиз керак”, - деди "бўрилар" устози.
35 ёшли ярим ҳимоячи жорий мавсум Англия Премьер-лигасида 38 ўйинда майдонга тушиб, 2 та гол урди ва битта голли узатмани амалга оширди. Унинг "Вулверхэмптон" билан шартномаси июнь ойи охиригача амал қилади.
