Лондоннинг "Арсенал" клуби собиқ футболчиси Пол Мерсон "Ливерпуль" бош мураббийи Юрген Клоппнинг жорий мавсумдаги фаолияти ҳақидаги таассуротлари ҳақида гапирди.
«Агар Клопп Премьер-лигада ғалаба қозона олмаса, у мавсумнинг энг яхши мураббийи совринини олмаслиги керак. Бу менинг фикрим. “Ливерпуль” Чемпионлар лигасининг плей-офф босқичида фақат “Интер” каби кучли рақиб билан тўқнаш келганини унутмайлик. “Ливерпуль” ҳар икки кубок финалида пенальтилар сериясида ғалаба қозонган. Улар ўша ўйинларда ғалаба қозона олишмади", - деди Мерсон.
Эслатиб ўтамиз, эртага АПЛнинг сўнгги тури бўлиб ўтади ва ушбу турда "Ливерпуль" ҳамда "Манчестер Сити" ўртасидаги чемпионлик пойгаси тақдири ҳал бўлади.
