"Манчестер Юнайтед" ярим ҳимоячиси Хуан Мата клуб раҳбариятини селекция сиёсатини қайта кўриб чиқишга чақирди. Испаниялик футболчи жамоада ҳозир “қизил иблислар” стандартларига тўғри келмайдиган футболчилар ўйналаётганига шаъма қилди.
"Кўп нарсаларни аниқлаштириш керак. Агар бирор киши «Манчестер Юнайтед» стандартларига жавоб бермаса, у бу ерда бўлмаслиги керак. Бунда ҳеч қандай мураккаб нарса йўқ", - деди Мата.
Эслатиб ўтамиз, мавсум охирида Мата "Манчестер Юнайтед"ни эркин агент сифатида тарк этади. Испаниялик ярим ҳимоячи 2014 йилнинг қишида Лондоннинг «Челси» клубидан кўчиб ўтганидан бери «Олд Траффорд»да тўп сурмоқда.
