Бирлашган Араб Амирликлари чемпионатининг 25-тури доирасида "Шаржа" клуби ўз майдонида "Эмирейтс"ни қабул қилиб, иродали ғалабага эришди.

Меҳмонларнинг баҳснинг 12-дақиқасида ҳисобни очган бўлсалар, тайм сўнгида шаржаликлар 2та тўп билан жавоб қайтаришди. 41-дақиқада Кайо ҳисобни тенглаштирган бўлса, танаффус арафасида Отабек Шукуров 17 метрлардан зарба бериб, дарвозани ишғол қилди. Ўйин охиригача мазкур ҳисоб ўзгармади.

Мазкур ғалабадан сўнг "Шаржа" ўз очколарини 54тага етказди ва 2-поғонани мустаҳкамлади. Жамоа сўнгги турда 3-ўринда бораётган "Ал-Ваҳда" билан тўқнаш келади. Мазкур ўйин чемпионатда кумуш медаль тақдирига ойдинлик киритади.

“Шаржа” - “Эмирейтс” - 2:1

Голлар: 12 - Литерри (0:1), 41 - Кайо (1:1), 44 - Отабек Шукуров (2:1).