"Манчестер Юнайтед" ярим ҳимоячиси Хуан Мата жамоадоши Бруно Фернандешнинг том маънода футболдан хаста эканлиги ҳақида гапирди. Испаниялик футболчи Брунони “ПСЖ” ярим ҳимоячиси, аввалроқ “Манчестер Юнайтед”да тўп сурган Андер Эррера билан солиштирди.
“Фернандеш футбол билан касалланган. Баъзан унга айтаман: "Жим бўл, сен билан жуда қийин"-деб. Бруно билан футбол ҳақида кўп гаплашаман, у кўплаб футболчиларни билади, деярли ҳамма нарсани билади. Бир вақтлар Андер Эррера ҳам шундай бўлган», - деди Мата.
Эслатиб ўтамиз, Хуан Мата Неманья Матич билан биргаликда жорий мавсум якунида эркин агент сифатида «Манчестер Юнайтед»ни тарк этади.
