Дортмунднинг “Боруссия” клуби собиқ бош мураббийи Марко Роуз Мёнхенгладбахнинг “Боруссия” клубига қайтишга яқин турибди.
Роуз кеча дортмундликлар бош мураббийи лавозимидан бўшатилди. Кўринишидан, 45 ёшли мутахассис янги клуб топиши учун кўп вақт талаб қилмайди. Инсайдер Николо Скиранинг сўзларига кўра, Мёнхенгладбахнинг "Боруссия" клуби мураббийни клубга қайтариш бўйича музокара олиб бормоқда. Томонлар битимни ижобий якунлашга яқин.
2021/22 йилги мавсумда Гладбах клубини Ади Хюттер бошқарди ва бу вақт давомида жамоа Бундеслигада ўнинчи ўринни эгаллади.
Маълумот ўрнида, Марко Роуз 2019 йилдан 2021 йилгача “Боруссия М” клубини бошқарган.
