"ПСЖ"нинг аргентиналик ҳужумчиси Лионель Месси сўнгги 15 йил ичида гол+пас тизими бўйича энг ёмон натижасини қайд этди.
Франция чемпионатининг жорий мавсумида Месси 26 та ўйинда қатнашиб, 6 та гол урди ва 14 та голли узатмани амалга оширди.
Аргентиналик ҳужумчи фақат 2007/2008 йилги мавсумда камроқ фойдали ҳаракатлар амалга оширган. Ўшанда Месси "Барселона" сафида Испания чемпионатида 10 та гол урган.
Жорий мавсум якунида Лионель Месси "ПСЖ" билан Франция чемпионига айланди.