"Реал" ярим ҳимоячиси Тони Кроос Чемпионлар лигаси финалидан олдин "Ливерпуль" бош мураббийи Юрген Клопп ҳақида гапирди.
“Албатта, мен Клопп қўл остида ўйнашни истардим. Унинг Дортмунднинг "Боруссия"си ажойиб эди ва энди у "Ливерпул"да жаҳон даражасидаги жамоани қурди. Клопп муваффақиятли мураббий”, - деди “Реал”нинг 32 ёшли ярим ҳимоячиси.
Тони Крооснинг Мадрид клуби билан шартномаси бир йилдан кейин тугайди. Миш-мишларга кўра, футболчи янги шартнома имзолашга шошилмаяпти.
Жорий мавсумда немис футболчиси "Реал Мадрид" сафида 43 та ўйинда қатнашиб, икки марта рақиб дарвозасини ишғол қилган ва уч марта жамоадошларига ассистентлик қилган.
28 май куни Чемпионлар лигаси финалида "Реал" ва "Ливерпуль" ўзаро тўқнаш келади.
