А Сериянинг жорий мавсумидаги энг яхшилари аниқ бўлди.
Ҳужумчи Чиро Иммобиле Италия чемпионатининг энг яхши тўпурари бўлди. “Лацио”нинг 32 ёшли футболчиси ҳисобида 31 ўйинда 27 та гол бор.
Иккинчи ўринни “Фиорентина” ва “Ювентус” клубларида ҳаракат қилган ва 36 ўйинда 24 та гол урган Душан Влахович эгаллади.
“Сассуоло” вингери Доменико Берарди 2021/22 йилги мавсумнинг энг яхши ассистенти деб топилди. 27 ёшли футболчи 33 ўйинда 14 голга ассистентлик қилган.
“Интер” футболчилари Хоқон Чалханўғли ва Николо Бареллалар ҳар бири 12 тадан голли узатмани амалга оширишди.
