"Милан"нинг тажрибали франциялик ҳужумчиси Оливье Жиру ўзининг ижтимоий тармоқларида миланликлар жамоасининг жорий мавсумдаги чемпионлиги ҳақида гапирди.

35 ёшли француз футболчиси ижтимоий тармоқларида чемпионлик кубоги билан тушган суратни жойлаштирди. Жирунинг ёзишича, кубок уйга, яъни Миланнинг ўнг томонига қайтмоқда. Эслатиб ўтамиз, ўтган мавсумда чемпионлик Миланнинг "Интер" жамоасига насиб этган бўлса, у жорий мавсумда иккинчи ўринни эгаллади.

Жорий мавсумда Оливье Жиру Италия чемпионатида 29 та ўйин ўтказиб, 11 та гол ва 3 та голли узатмага муаллифлик қилган.