Португалия терма жамоаси яримҳимоячиси Нанининг сўзларига қараганда, у Евро-2012 гуруҳ баҳсларида Германияга қарши ўйнашдан чўчимас экан.
"Германия - ажойиб терма жамоа ва биз уларни ҳурмат қилишимиз керак, аммо улар ҳам бизга шундай муносабатда бўлишлари керак. Биз уларнинг ўз вазифаларини осон бажаришларига ва ўз ўйинларини кўрсатишларига йўл қўймаслигимиз даркор.
Португалия терма жамоаси ўз ўйинини кўрсатиши керак. Агар биз қўрқувни ҳис қилсак, улар буни тез пайқайдилар", - дейди "МЮ" яримҳимоячиси.