Мадриднинг “Реал” клуби ярим ҳимоячиси Федерико Вальверде “Ливерпуль” ҳужумчиси Муҳаммад Салоҳнинг Чемпионлар лигаси финалида “қаймоқранглилар” билан учрашишни исташини айтган сўзларига муносабат билдирди, у 2018 йилда Киевдаги мағлубият учун қасос олишга яққол шама қилди.
“Албатта, ҳар ким исталган сўзни ўзи хоҳлаганча қабул қилиши мумкин. Мен Салоҳга рақибман ва менимча, у "Реал"га ва клуб тимсолига ҳурмацизлик қилган. Биз фақат финалда ўйнаб, мухлислар ва клуб учун яна бир соврин ютиб олишни истаймиз", - дея Вальверде сўзларини келтиради ESPN.
Эслатиб ўтамиз, "Ливерпуль" ва "Реал" ўртасидаги Чемпионлар лигаси финали 28 май куни Парижда бўлиб ўтади.
