"Тоттенхэм" Туриннинг "Ювентус" клуби ярим ҳимоячиси Деян Кулушевскини тўлиқ сотиб олмоқчи. Николо Скиранинг фикрича, трансфер суммаси олти ойлик ижара учун тўловни ҳисобга олган ҳолда 45 миллион еврони ташкил қилади.
Кулушевски "Тоттенхэм"га Чемпионлар Лигаси йўлланмасини қўлга киритишга ёрдам берди. Швециялик ярим ҳимоячи жорий мавсум Англия Премьер-лигасида 5 та гол ва 8 та голли узатмани амалга оширди.
Эслатиб ўтамиз, кеча Кулушевски "Норвич"га қарши мавсумдаги сўнгги ўйинда 2 гол муаллифига айланган эди. Антонио Конте қўл остидаги "Тоттенхэм" мавсумни турнир жадвалида тўртинчи ўринда якунлади.
