Садьо Мане ёзда "Бавария"га ўтишини истисно қилмаяпти.
Sky Sports Deutschland мухбири Флориан Плеттенбергнинг сўзларига кўра, "Ливерпуль" вингери шу ёзда "Бавария"га ўтишини тасаввур қилиши мумкин. Мюнхен клуби, футболчи ва унинг вакиллари ўртасидаги музокараларда олдинга силжиш бор. Кейинги 3-4 ҳафта ҳал қилувчи бўлади.
Бош мураббий Юлиан Нагельсманн ҳам, спорт директори Ҳасан Салиҳамиджич ҳам Манени "Бавария"да кўришни исташмоқда.
"Қизиллар" билан шартномаси 2023 йилнинг ёзига қадар мўлжалланган 30 ёшли футболчининг трансфер нархи 50 миллион евродан кам бўлиши мумкин.
Ушбу мавсумда қанот ҳужумчиси мерсисайдликлар сафида барча турнирлар доирасида 50 та ўйинда майдонга тушиб, 23 та гол урди ва 2 та голли узатмани амалга оширди.
