Каталониянинг “Барселона” клуби ярим ҳимоячиси Френки де Йонг “ПСЖ” қизиқишлари доирасига тушиб қолди. Париж клуби футболчини шу йилнинг ёзги трансфер ойнасида таклиф қилмоқчи.
Манбанинг қайд этишича, каталонияликлар ярим ҳимоячи учун тахминан 80 миллион евро талаб қилади. Таъкидланишича, 25 ёшли ярим ҳимоячи ёрдамида парижликлар Чемпионлар лигасида ғалаба қозонишга ҳаракат қилишади.
Френки де Йонг "Манчестер Юнайтед"га ўтиши мумкинлиги ҳақида хабарлар тарқалган эди. Футболчи "манкунианликлар"нинг ҳозирги устози Эрик тен Хааг билан яхши таниш - улар Амстердамнинг "Аякс" клубида бирга ишлашган.