29 май, чоршанба куни бўлиб ўтадиган “Сеонгнам Ильва Чунма” – “Бунёдкор” учрашувида мезбонларда битта йўқотиш бор.
Жанубий Корея клубининг ОЧЛга рўйхатдан ўтказган учта хорижлик легионерларидан бири – сербиялик ҳужумчи Владимир Йовановичнинг сариқ карточкалари сони иккитага етганлиги боис плей-офф баҳсида майдонга тушиш имкониятидан маҳрум бўлди.
Ушбу ҳужумчи ОЧЛнинг гуруҳ босқичи доирасида учта тўп киритган бўлиб, “Сеонгнам”нинг яна бир ҳужумчиси – бразилиялик Эвертон Сантос билан бир хил кўрсаткич қайд этиб турибди.
Миржалол Қосимов шогирдларида эса дисквалификация билан боғлик ҳеч қандай йўқотиш йўқ.
