Испаниялик мураббий Рафаэль Бенитес 2004/05 йилги Чемпионлар лигаси финали ҳақидаги хотиралари билан ўртоқлашди.

Испаниялик мутахассис қўл остидаги “Ливерпуль” финалда “Милан”ни пенальтилар сериясида (3:3, пен. 3:2) мағлуб этиб, турнир ғолибига айланди. Биринчи бўлимдан сўнг "мерсисайдликлар" 0:3 ҳисобида мағлуб бўлишганди.

“Мен йиллар давомида “Реал” тизимида футболчи ва мураббий сифатида ишладим. У ерда сиз ғалабаларга кўникасиз. Бу йиллар давомида ишлаб чиқилган ғолибнинг ҳақиқий психологияси. Финал ҳар доим қийинчилик ва мотивациядир. Ўйинчилар ўзларининг энг яхши томонларини кўрсатишлари учун ҳамма нарсада ишонч кўрсатиш керак.

Яхшиямки, 2005 йилда Истанбулда бўлиб ўтган финалга келиб, мен "Валенсия" билан ғалаба қозониш тажрибасига эга бўлдим. Бу омил катта роль ўйнади.

Истанбулдаги финал унутилмас бўлди. "Ливерпуль" узоқ танаффусдан сўнг муҳим соврин учун курашиш ҳуқуқини қўлга киритди. Бу мен кўрган Чемпионлар лигасининг энг яхши ва ҳиссиётли финали бўлса керак”, - дейди Бенитес.