"Реал Мадрид"нинг португалиялик юлдузи Криштиану Роналду ФИФА расмий сайтига берган интервьюсида Месси ва "Барселона" ҳақида ўз фикрларини билдириб ўтди.
Роналду "Ким кучли?" деган савол ўзини ҳам, Мессини ҳам чарчатганини айтиб ўтди.
"Мен "Реал Мадрид" учун, Месси "Барселона" учун қўлдан келган энг яхши ишни амалга оширдик" деган футболчи яна қўшимча қилди: "Ferrari" билан "Porsche" солиштирилмайди, чунки ҳар иккиси фарқли моторларга эга. Рақобатнинг бу даражада юқори савияда бўлишининг сабаби, иккаламиз ҳам қўлдан келганча яхшироқ ўйнашга ҳаракат қилмоқдамиз. "Реал" ва Барселона" клубларининг дунёнинг энг кучли клублари бўлишга сабаб иккаласи ҳам бир-биридан яхшироқ ўйнашга ҳаракат қилади". "Мадридда чемпионликни қутлаш энг катта орзуим эди. Жуда бахтлиман, чунки илк бор Мадридда нуфузли кубокни қўлга киритдик. Киритган голларим, рекордларимни янгилаганим, Ла-Лигада 100 очко тўплаш ажойиб натижа. Бу мавсумдан яхшисини қайд қилиш жуда қийин. Назаримда, Ла-Лига дунёдаги энгқ ийин лига. Ҳамма "Барселона" билан баҳс олиб боришнинг на қадар машаққатли эканлигини яхши англайди" деди Роналду. Роналду бу мавсум 38 та ўйинда 46 гол муаллифига айланди, Месси эса 37 та ўйинда 50 гол киритди.
