Испаниянинг "Барселона" клуби "Милан" ҳимоячиси Тияго Сильвани қўлга киритиш истагидан ҳали қайтганларича йўқ.
Миланликлар бразилиялик ҳимоячини сотмасликларини бир неча бор таъкидлаган бўлсаларда, каталонияликлар нима қилиб бўлсада уни ўзларига оғдириб олишмоқчи.
"Барселона" бош мураббий этиб тайинланган Тито Виланова 27 ёшли бразилиялик истеъдодли ҳимоячини сотиб олишни клуб раҳбариятидан талаб қилмоқда.
Маълумотларга қараганда, "Барселона" Тияго Сильва учун "Милан"га 20 миллион евро ҳамда малилик ярим ҳимоячи Сейду Кейтани қўшиб бериш ниятида.
Душанба куни, каталонияликлар "Милан" расмий таклиф билан чиқишади, дея хабар бермоқда бир қатор Испания ОАВ.
