"Арсенал" "Хетафе" ҳимоячиси Матиас Оливейрага қизиқиш билдирмоқда. Испания клуби футболчини 20 миллион еврога сотишга тайёр.

Оливейра Испания чемпионатида чап қанот ҳимоячиси сифатида ажойиб мавсум ўтказди. Унинг ҳимоядаги ўйини “Наполи”, “Арсенал”, “Бенфика” каби клубларнинг эътиборини тортди.

Tutto Mercato Web хабарига кўра, испанлар 20 миллион евролик таклиф тушсагина футболчини қўйиб юборишларини аниқ айтишган.

Жорий мавсумда футболчи Ла Лигада 32 та ўйин ўтказиб, 1 та гол урди ва 3 та голли узатмани амалга оширди.