"Arsenal" "Xetafe" himoyachisi Matias Oliveyraga qiziqish bildirmoqda. Ispaniya klubi futbolchini 20 million yevroga sotishga tayyor.

Oliveyra Ispaniya chempionatida chap qanot himoyachisi sifatida ajoyib mavsum o‘tkazdi. Uning himoyadagi o‘yini “Napoli”, “Arsenal”, “Benfika” kabi klublarning e’tiborini tortdi.

Tutto Mercato Web xabariga ko‘ra, ispanlar 20 million yevrolik taklif tushsagina futbolchini qo‘yib yuborishlarini aniq aytishgan.

Joriy mavsumda futbolchi La Ligada 32 ta o‘yin o‘tkazib, 1 ta gol urdi va 3 ta golli uzatmani amalga oshirdi.