Испания терма жамоаси бош мураббийи, Висенте Дель Боске, "Челси" ҳужумчиси Фернандо Торреснинг Украина ва Польшада бўлиб ўтадиган европа чемпионатига бориш имкониятини юқори баҳолади.
"Торреснинг айни пайтдаги кайфияти аъло даражада. Қолаверса, у ҳозир ўз клубида кўплаб учрашувларда асосий таркибда майдонга тушмоқда. Унинг ҳолатидан хабардор бўлиб турибмиз", - дейди Дель Боске.
"Мени энг қувонтираётгани, Торреснинг ҳозирги функционал ҳолати. У бу борада ўзини ҳозир жуда яхши ҳис қилмоқда. Торреснинг ЕЧЛ финалида майдонга тушиши ёки тушмаслиги, унинг ЕВРОга бориши ёки бормаслигига ўз таъсирини ўтказмайди. Европа чемпионатига клуб эмас, терма жамоа талабига жавоб берадиган футболчилар боради", дея испания терма жамоаси бош мураббийининг интервьюсидан парча келтирмоқда, Goal.com.
