Карим Бензема Чемпионлар лигасида яна ғалаба қозонишни орзу қилишини тан олди.
28 май куни “Реал Мадрид” турнир финалида “Ливерпуль” билан куч синашади.
Франциялик футболчи испан клуби таркибида тўрт марта – 2013/14, 2015/16, 2016/17 ва 2017/18 йилги мавсумларда Чемпионлар лигасида ғолиб чиққан.
“Фаолиятим охирида клуб тарихига киришим мумкинлигини тушунаман. Ҳар ҳолда, барча ўйинлар мен учун муҳим. Мен ҳар доим янги ютуқларга эришишга, мухлисларни хурсанд қилишга ҳаракат қиламан. Лекин, албатта, Чемпионлар лигасида яна бир ғалаба қозониш менинг орзумдир.
Бунинг учун сиз жуда яхши тайёргарлик кўришингиз ва ғалаба қозониш учун қўлингиздан келганини қилишингиз керак", - дейди Мадрид клуби ҳужумчиси.
