"Пари Сен-Жермен" ҳужумчиси Лионель Месси жамоадоши Килиан Мбаппе парижликлар сафида қолишга қарор қилганидан қониқиш ҳосил қилди. Бу ҳақда "Marca" нашри хабар тарқатди.
Аргентиналик футболчининг фикрича, Мбаппенинг ёрдами билан "ПСЖ"нинг Чемпионлар лигасида ғолиб чиқиш имконияти ошади. Бундан ташқари, маълум муддат матбуотда Мессининг номи камроқ тилга олинганидан хурсанд.
34 ёшли Месси "Пари Сен-Жермен"нинг жорий мавсумида 34та ўйинда иштирок этиб, 11та гол урди ва 14та узатмани амалга оширди. Унинг парижликлар билан шартномаси 2023 йилгача тузилган.