"Удинезе" ҳимоячиси Нахуэль Молина "Атлетико"нинг ёзги трансфер ойнасидаги асосий мақсади, деб ёзди журналист Герман Гарсия.
Манбага кўра, мадридликлар бош мураббийи Диего Симеоне аввалроқ икки марта футболчини ўз сафига қўшиб олишга уринган. "Удинезе" ва "Атлетико" яқин кунларда музокараларни бошлайди.
24 ёшли аргентиналик футболчининг “Удинезе” билан шартномаси 2026 йилнинг ёзига қадар мўлжалланган. Transfermarkt портали футболчининг нархини 10 миллион еврога баҳоламоқда.
Молина жорий мавсумда барча мусобақаларда 37 та ўйинда майдонга тушиб, 8 та гол ва 5 та голли узатмани амалга оширди.
