"Udineze" himoyachisi Naxuel Molina "Atletiko"ning yozgi transfer oynasidagi asosiy maqsadi, deb yozdi jurnalist German Garsiya.
Manbaga ko‘ra, madridliklar bosh murabbiyi Diyego Simeone avvalroq ikki marta futbolchini o‘z safiga qo‘shib olishga uringan. "Udineze" va "Atletiko" yaqin kunlarda muzokaralarni boshlaydi.
24 yoshli argentinalik futbolchining “Udineze” bilan shartnomasi 2026 yilning yoziga qadar mo‘ljallangan. Transfermarkt portali futbolchining narxini 10 million yevroga baholamoqda.
Molina joriy mavsumda barcha musobaqalarda 37 ta o‘yinda maydonga tushib, 8 ta gol va 5 ta golli uzatmani amalga oshirdi.