Бугун Ўзбекистон олий лигасида навбатдаги тур учрашувлари бўлиб ўтаётганидан хабарингиз бор.
Бу йилги мавсумда ўз олдига катта мақсадларни қўйган Тошкентниг "Локомотив" клуби Бухорога сафар уюштирди ва яна 1:1 ҳисобида дуранг натижани қайд этди. "Локомотив" бу мавсумда бешинчи маротаба дуранг натижани қайд этмоқда. Эътиборлиси, дуранг қайд этилган учрашувнинг барчасида бир хил, 1:1 ҳисоби қайд этилган.
Бугунги ўйин ҳам тенг курашлар остида кечди. Биринчи бўлимда ҳисоб очилмади. Иккинчи бўлимнинг 60-дақиқасида мезбонлар сардори Александр Тарасенко ҳисобни очади. Ўйин шундай ҳисоб билан якунланади деб турган бир пайтда, "Локо" ҳисобни тенглаштиришнинг уддасидан чиқади. Ҳакам қўшиб берилган 2-дақиқада майдонга тушган Николай Гурьянов, ҳакам қўшиб берган дақиқаларнинг учинчиси ўтиб бораётганда ҳисобни тенглаштиради -1:1
«БУХОРО» (Бухоро) - «ЛОКОМОТИВ» (Тошкент) 1:1 (0:0)
Голлар: Александр Тарасенко 60, - 1:0. Николай Гурьянов 90+3, - 1:0.
Ҳакамлар: В.Цейтлин (Тошкент), Р.Серазитдинов (Тошкент), Т.Абдуллаев (Тошкент), И.Иброҳимов (Нукус).
«БУХОРО»: 20.Сардор Қобулжонов. 2.Акмал Рустамов. 3.Бобуржон Омонов. 5.Георгий Квесиешвили. 10.Алишер Санаев. 11.Алишер Ҳолиқов (7.Шахзод Сулаймонов, 46).14.Воҳид Шодиев. 17.Отабек Нарзуллаев. 19.Жасур Ҳасанов. 21.Михаил Какаладзе. 25.Александр Тарасенко.
«ЛОКОМОТИВ»: 12.Азиз Ашуров. 3.Ислом Иномов (Николай Гурьянов, 90+2). 7.Садриддин Абдуллаев. 8.Максим Казанков. 9.Зайниддин Тожиев. 11.Александр Шадрин (6.Дилшод Рахматуллаев, 74). 14.Ромик Хачатрян (18.Музаффар Умрзоқов, 90+1). 20.Ислом Тўхтахўжаев. 22.Шерзод Шарипов. 23.Бобурбек Йўлдошев. 24.Дилшод Жабборов.
Огоҳлантиришлар: Бобурбек Йўлдошев 87, Алишер Санаев 88.
