"Тоттенхэм" ҳужумчиси Сон Хён Мин ҳар иккала оёғида ҳам мукаммал зарба бера олишини амалда исботлади.
29 ёшли кореялик футболчи жорий мавсум Англия Премьер-лигасида 23 та гол уриб, шундан 12 тасини чап оёғи, 11 тасини ўнг оёғи билан урган. Шу тариқа, Сон Европанинг кучли бешлик чемпионатларида 1 мавсумда ҳар оёғи билан ўндан ортиқ гол урган ягона футболчига айланди.
Эслатиб ўтамиз, Сон "Ливерпуль" ҳужумчиси Муҳаммад Салоҳ билан Премьер-лиганинг энг яхши тўпурари унвонини бўлишиб олди.
Кореялик футбол юлдузи Премьер-лигада 23 голидан ташқари 9 та голли узатма ҳам амалга оширишни уддалаган.
