Испаниянинг “Валенсия” ва Грузия терма жамоаси дарвозабони Георгий Мамардашвили Англиянинг “Манчестер Юнайтед” клубига ўтиши мумкин. Бу ҳақда АS нашри хабар бермоқда.
Манбага кўра, манкунианликлар Мамардашвилини Давид Де Хеага ўринбосар сифатида кўрмоқда. Грузиялик дарвозабоннинг ўзи "Валенсия"ни тарк этишга шошилмаяпти, чунки у "кўршапалаклар" сафидаги ўйинларидан кўнгли тўқ.
Ўтган мавсумда 21 ёшли Георгий Мамардашвили "Валенсия" таркибида 21 та ўйин ўтказган бўлса, шулардан 8 тасида ўз даврозаси даҳлсизлигини сақлаб қолган. Унинг трансфер нархи 5 миллион еврога баҳоланмоқда.
