Мюнхеннинг "Бавария" клуби бош мураббийи Юпп Хайнкес Европа Чемпионлар Лигасининг финал учрашувидан кейин рақиб жамоани бошқариб турган италиялик Роберто Ди Маттео борасида ўз фикрларини билдириб ўтди. Шунингдек мураббий вазиятларни яхши фойдалана олмагани, ҳеч ҳам омад келмаганидан нолиб гапирди.

"Фақатгина ўзимизни айбдор санашимиз мумкин. Пенальти бу лотерея, аммо бизда ўйиннинг ўзида ғалаба қозонишимиз учун жуда кўплаб имкониятлар юзага келганди. "Челси" охирги ўйинларда кўрсатгани каби ҳимоядан ўйинни ташкиллаштирди. Пенальтилар сериясида уларнинг омади келди".

"Юу жуда аламли мағлубият. Футболчиларим бундан тушкун кайфиятдалар. Аммо "Челси"ни бунда айбдор санамоқчи эмасмиз. Улар ўз ўйинларини кўрсатишди".

"Агар сиз мендан Роберто Ди Маттео ҳақида нимадир гап сўрамоқчи бўлсангиз, мен шундай дейман: "Челси" у билан уч йиллик шартнома имзолаши керак", дея Хайнкеснинг сўзларидан иқтибос келтирмоқда The Telegraph интернет нашри.