"Лион" ҳужумчиси Мусса Дембелега "Манчестер Юнайтед", "Арсенал" ва "Тоттенхэм" клублари қизиқиш билдирмоқда.
Футболчи аввалроқ бир неча мавсумни “Фулхэм” сафида ўтказиб, Премьер-лигада ҳам, Чемпионшипда ҳам ўйнаган. Лондон клуби сафида 56 та ўйинда майдонга тушиб, 15 та гол урган. Шундан сўнг у фаолиятини "Селтик", "Лион" ва "Атлетико" клубларида давом эттирган.
Ўтган мавсумда Дембеле "Барселона"га ўтган Мемфис Депайнинг ўрнини муваффақиятли эгаллаб, "Лион" клубининг асосий ҳужумчисига айланди. Foot Mercato нашри хабарига кўра, ёзги трансфер бозорида футболчи Премьер-лигага қайтиши мумкин.
Франция чемпионатида Дембеле 30 та ўйин ўтказиб, 21 та гол урди ва 4 та голли узатмани амалга оширди.