Лондоннинг “Вест Хэм” клуби ҳужумчи Андрей Ярмоленко жамоасини тарк этганини эълон қилди.
"Андрей Ярмоленко Шарқий Лондонда ўтган тўрт мавсумдан сўнг жамоани тарк этмоқда, бу даврда украиналик футболчи бир қатор муҳим голларга муаллифлик қилди.
32 ёшли футболчи жамоамиз сафида 86 та ўйинда майдонга тушиб, 13 та гол урган ва 7 та голга ассистентлик қилган.
Ярмоленконинг муҳим голлари қаторига 2018 йил сентябрида “Эвертон”га қарши ўйиндаги дебютдаги иккита гол, 2020 йил июль ойида Премьер-лигада “Челси” устидан қозонилган муҳим ғалаба ва “Астон Вилла” ва “Севилья” устидан қозонилган ғалабадаги голлар киради", - дейилади "болғачилар" баёнотида.
