“Ювентус” ярим ҳимоячиси Федерико Бернардески фаолиятини “Милан”, “Наполи” ва “Интер”да давом эттириши мумкин.

Футболчининг "Ювентус" билан шартномаси ёзда тугайди ва Турин клуби уни узайтириш борасида музокаралар олиб бормаяпти.

Бернардескининг ўзи келаси мавсумда Чемпионлар лигасида ўйнашни хоҳлашини айтди, деб хабар беради La Gazzetta dello Sport. 

Айни пайтда футболчига миланликларнинг ҳеч бири қизиқиш билдирмаяпти. Олдинроқ "Наполи" футболчини ўз сафига қўшиб олмоқчи эканлиги ҳақида маълумотлар пайдо бўлганди, аммо клуб ярим ҳимоячининг жуда юқори маош талаб қилгани сабаб иккинчи таклифни билдиргани йўқ.

Жорий мавсумда футболчи А серияда 28 та ўйинда майдонга тушиб, 1 та гол урди ва 2 та голли узатмани амалга оширди.